Sent to you by rAnA via Google Reader:
Maskan-e-maah-o-saal chhoR gayaa
Dil ko us ka Khayaal chhoR gayaa
Taazah-dam jism-o-jaaN the furqat meN
Wasl us ka nidhaal chhoR gayaa
Ahd-e-maazi jo tha ajab purhaal
Aik veeraan haal chhoR gayaa
Zaala-baarii ke marhaloN ka safar
Qaafile, paayemaal chhoR gayaa
Dil ko ab ye bhi yaad ho ke na ho
Kaun thaa , kyaa malaal chhoR gayaa
MaiN bhi ab Khud se hooN jawaab-talab
Wo mujhe be-sawaal chhoR gayaa
( Jaun Elia )
No comments:
Post a Comment