Woh Mehaz Wahm-o-khiyal Tha

Usey Apni Farda Ki Fikar Thi, Woh Jo Mera Waqif-e-hal Tha,
Woh Jo Us Ki Subh-e Urooj Thi, Woh Hi Mera Waqt-e-zawal Tha.

Kahan Jao Gay Mujhay Chor Kay, Ye Mein Pooch Pooch Kay Thak Gaya,
Woh Jawab Na Mujh ko Dey Saka, Woh To Khud Sarapa Sawal Tha.

Meri Baat Kaisay Woh Manta, Meray Dard Ko Woh Kaisay Janta,
Woh To Khud Fana Kay Safar Mein Tha, Usey Rokna Bhi Mahal Tha.

Woh Jo Us Kay Samnay Aa Gaya, Woh Hi Roshni Mein Naha Gaya,
Ajab Us Ki Hayat-e-ishq Thi, Aajab Us Ka Rang-e- Jamal Tha.

Damay Wapsi Aray Kia Howa, Na Woh Roshni Na Woh Tazgi,
Woh Sitara Kaisay Bikhar Gaya, Woh To Aap Apni Misal Tha.

Woh Mila To Sadyoon Kay Baad Bhi, Meray Lub Pay Koi Gila Na Tha,
Usay Meri Chup Nay Rula Diya, Jisay Guftago Mein Kamal Tha.

Meray Saath Lag Kay Woh Ro Diya,Mujha Bus woh Itna Hi Keh Saka,
Jisay Janta Tha Mein Zindagi, Woh Mehaz Wahm-o-khiyal Tha

Woh na mumkin hey

Woh na mumkin hi usey pane ko dil chahta hy
Phir ek neya fareb khane ko dil chahta hy

Hosh mein reh ke tu kuch bhi keh nahi sakte
Un se thodi si pee kr behek jane ko dil chahta hy
...
Kaise manghon un se un ko hy ye bekhodi
Lekin is bekhodi se ab guzer jane ko dil chahta hy

Yoon to hote hyn gehre jheelon darya ay fallak
Lekin un gehri nigahon mein doob jane ko dil chahta hy

Log zakhmon ka madawa kyon krte hyn aao charagr
Zakhmin jiger mein aur zakhm khane ko dil chahta hy

Shabe gham kat ti nahi ay chrago ab tum se
Phir wohi jalwe toor pane ko dil chahta hy

Jal jal kr in hasraton se khak ho rahe farhan
Ab khak ho kr bs audh jane ko dil chahta hy..

us ki gali main phir mujhay ik baar lay chalo

Majboor kar k phir mujhay meray yaar lay chalo
us ki gali main phir mujhay ik baar lay chalo

shayad yeh mera weham ho, mera khial ho
mumkin hai meray baad se mera malaal ho ...
pachta raha ho phir mujhay dar se utha k woh
baitha ho meri raah main ankhain bicha k woh
us nay hi tu kia tha mujhay pyaar lay chaloo

us ki gali main phir mujhay ik baar lay chalo

us ki gali ko janta pehchanta hoon main
woh meri qatal gaah hai yeh maanta hoon main
us ki gali main maut muqaddar ki baat hai
shayad yeh maut ahl-e-wafa ki hayat hai
main khud hi maangta hoon talabgaar lay chalo
us ki gali main phir mujhay ik baar lay chalo

aab us gali main koi na aaye ga meray baad
us dar pe khooon kaun bahayay ga meray baad
main nay tu sang-o-khisht se takra k apna sir
wallah kar diye thay lahoo se woh baam-o-dar
phir muntazir hai woh dar-o-dewaar lay chalo
us ki gali main phir mujhay ik baar lay chalo

Bhool Janay Mein Woh Zalim Hai Blaa Ka Maahir ..!

Beautiful Ghazal by Mohsin Naqvi....

Kya Khazanay Meri Jaan, Hijer Ki Shab Yaad Aaye
Tera Chehra, Teri Aankhein, Tere Lab Yaad Aaye

Aik Tuu Tha Jisay Ghurbat Mein Pukara Dil Ney
Warna Bicheray Huay Ahbab Tou Sab Yaad Aaye

Hum Ney Mazzi Ki Sakhawat Pey Jo Pal Bhar Soocha
Dukh Bhi Kya Kya Hamain Yaaroun Kay Sabab Yaad Aaye

Phool Khilnay Ka Jo Mousam Meray Dil Mein Utra
Teray Bakhshay Huay Kuch Zakham Ajab Yaad Aaye

Ab Tou Aankhoun Mein Faqat Dhool Hai Kuch Yaadoun Ki
Hum Usaay Yaad Bhi Aaye Tou Kab Yaad Aaye

Bhool Janay Mein Woh Zalim Hai Blaa Ka Maahir
Yaad Anay Pey Bhi Aaye Tou Ghazab Yaad Aaye

Yeh Khunuk Rut Yeh Naye Saal Ka Pehla Tohfaa
Dil Ki Khawahish Hai Keh Mohsin Koi Ab Yaad Aaye

Yaad aaon tu bas itni si inaayat karna..

Yaad aaon tu bas itni si inaayat karna..

Apnay badlay hoye lehjay ki wazahat karna

Tum tu chahat ka shah’kaar hua kartay the..

Kis se seekha hai yeh ulfat may milawat karna

Hum sazaao’n k haq’daar banay hain kab se?

Tum hi keh do k jurm hai kya muhabbat karna?

Tairi furqat may yeh aankhain abhi tak nam hain

Kabhi aana mairay ...aaskho’n ki ziyarat karna…..

Dil may ab bhi muhabat k diye hain raushan…

Dekh bhoolay nahi tairi hasti ki ebadat karna..

mujhe kuch aur kehna tha...

WO sunta to main kehta, mujhe kuch aur kehna tha,
wo pal bhar ko jo
ruk jata,mujhe kuch aur kehna tha...

kamai zindagi bhar ki, usi k naam to kar di,
mujhe kuch aur karna
tha,mujhe kuch aur kehna tha...

kahan us ne suni meri, suni b un-suni kar di,
usay maloom tha
itna,mujhe kuch aur kehna tha...

meray dil main jo dar aya, k...oi mujh main b dar aya,
waheen ik rabta
toota,mujhe kuch aur kehna tha...

rawan tha piyar NUS NUS main, bohat qurbat thi apis main,
usay kuch
aur sun-ana tha,mujhe kuch aur kehna tha...

ghalat fehmi ne batoun ko barha dala younhi warna,
kaha kuch
tha,wo kuch samjha,mujhe kuch aur kehna tha...!!!

YEHI WADA LIYA THA NA?? -Arshad Malik

YEHI WADA LIYA THA NA??

HAMESHA KHUSH HI REHNA HAI...

LO DEKHO..DEKH LO AA K

MERI AANKHON KO DEKHO TUM

YE KITNI SHOKH LAGTI HAIN

MERAY HONTON KO DEKHO TUM

HAMESHA MUSKURATAY HAIN

KOI BHI GHAM AGAR AYA

USY HANS KR SAHA MAINE

MERAY CHEHRAY KO DEKHO TUM

HAMESHA PURSUKOON HO GA

KIYA THA MAINE JO TUM SE

WO WADA KARDIYA PURA

MAGAR EK BAAT HAI PYARAY

KABHI JO WAQT MIL JAYE

TO MERI SHAYERI PARHNA

TUMHEN MEHSOOS TO HO GA

KAHIN TALKHI BHARA LEHJA

KAHIN PE DARD KI JHEELAIN

KAHIN LEHJAY KI KRWAHAT

SUNO! MAIN KHUSH TO HON LEKIN SAGAR

MERA HAR LAFZ ROTA HAI..

Main ne dekha tha-mohsin naqvi

Main ne dekha tha un dino mien usse

jab wo khiltay gulab jesa tha
uski palkoon se neend chanti thi
us ka lehja sharab jesa tha
us ki zulfoon se bhegti thi ghatta
us ka rukh mahtaab jesa tha
log parhtay thay khal o khad us ke
wo adab ki kitab jesa tha
bolta tha zuban khushbu ki
log suntay thay dharkanooon mien usse

Main ne dekha tha un dino mien usse

sari ankhien thein aainay uske
saray chahroon mien intekhab tha wo
ye khawab hai ke wo haqeqat tha
ye haqeqat hai ke koi khawab tha wo
sab se ghul mil ker ajnabi rahna
ek darya numa sarab tha wo
apni neendien usi ki nazr hoein
meine paya tha ratjagoon mein usse

Main ne dekha tha un dino mien usse

jab wo hans hans ke baat karta tha
dil ke khemay mein raat karta tha
rang parhtay thay aanchaloon mien usse

Main ne dekha tha un dino mien usse

ye magar daer ki kahani hai
ye magar door ka fasana hai
us ke mere milaap mein haail
ab to sadiyon bhara zamana hai
ab to yeh ke haal apna bhi
dasht e hijran ki shaam jesa hai
kia khabar in dino wo kesa hai??

Main ne dekha tha un dino mein usse !

hamara kiya hai - mohsin naqvi

humara kya hai ke hum to chiragh-e-shab ki tarah
agar jale bhi to bas itni roshni hogi
ke jaise tund andheron ki raah mein jugnu
zara si der ko chamke, chamak ke kho jaaye
phir is ke baad kisi ko na kuch sujhaayi de
na shab katay na suragh-e-sahar dikhayi de
humara kya hai ke hum to pas-e-ghubaar-e-safar
agar chale bhi to bas itni raah taye hogi
ke tez hawaaon ki zard maa_ill naqsh-e-qadam
zara si der ko ubhre ubhr ke mit jaaye
phir us ke baad na raasta na rah_guzar milay
hadd-e-nigaah talak dasht-e-bekinar milay
humari simt na dekho ke koi der mein hum
qabila-e-dil-o-jaan judaa honay walay hain
basay basaaye huye shahar apni aankhon ke
misal-e-khana-e-weeraan ujarhnay walay hain
hawa ka shor ye he hai to dekhtay rahna
humari umar ke khemein ukharnay walay hain...

Main aaray tirchay khayaal sochoon (mohsin naqvi)

Main aaray tirchay khayaal sochoon
k be-irada kitaab likhoon
koi shanaasa ghazal tarashoon
k ajnabi intesaab likhoon
ganwa doon ik umer k zamaanay
k aik aik pal ka hisaab likhon
meri tabiyat per munhasir hai
main jis-tarah ka nisaab likhoon
yeh mere apne mizaaj per hai
azaab sochon sawaab likhon
taweel tar hai safar tumain kia ?
magar tumhain kia k tum to kab se
mere iraday ganwa chukay ho
jala k saaray horoof apnay
meri duain bujha chukay ho
main raat orho'n k subah pehnoon
tum apni rasmain utha chukay ho
suna hai sab kuch bhula chukay ho
to ab mere dil pe jabar kesa
yeh dil to had se guzar chuka hai
guzar chuka hai magar tumhain kia
teher chuka hai magar tumhain kia
main jis tarah k bhi khwaab likhoon ...

Yeh pichlay ishq ki baatein hein (mohsin Naqvi)

Yeh pichlay ishq ki baatein hein
jab aankh mein khwaab damaktay thay
jab dil mein daagh chamaktay thay
jab palkein sheher ke rastoon main
ashkon ka noor lutatee thein
jab saansein ujlay chehron ke
tan-man mein phool sajati thein
sochon mein bhanvar par jaatay thay
jab aik talatum rehta tha

apnay be-ant khayalon mein
har ehad nibhaanay ki kasmain
khat khoon se likhnay ki rasmain
jab aam thein hum dil walon mein
ab apni ujree ankhoon mein
jitni roshan si raatein hein
us umer ki sab soughaatein hein
jis umer ke khwaab khayaal huye
woh pichlii umer thi beet gaii
woh umer beetay saal huye

ab apni deed ke rastay mein
kuch rang hai guzray lamhon ka
kuch ashk ki baraatein hein
kuch bhoolay bisray chehray hein
kuch yaadon ki barsaatein hein
yeh sab pichlay ishq ki baatein hein

Chalo Choro- BY MOHSIN NAQVI

CHALO CHORO

Muhabbat jhoot hai

Ehd-e-wafa ik shughl hai baikaar logon ka

Talab sookay huway patton ka baironuq jazeera hai

Khulish deemuk-zuda awraaq pur boseeda sutron ka zakheera hai

Khumaar-e-wusl tuptee dhoop ke seenay pe Urrtay baadlon ki raaigan bukhshish

Ghubar-e-Hijr sehra main sarabon say atey mosum ka khamyaza
..

..

..

..

CHALO CHORO

Ke ab tuk main andhairon ki dhumuk main saans ki zarbon pe

Chahut ki bina ruk kar safar karta raha tha

Mujay ihsas hi kub tha

Ke tum bhee mosumon ke saat apnay peruhun kay rung badlogi

..

..

..

..

CHALO CHORO

Wo saray khwab kuchee bhurbhuree muttee ky baiqeemut gharonday they

Wo saray zaaiqey mairee zuban pur zukhm bun kar jum gaye hongay

Tumharee unglion ki nurm porain puthuron pe naam liktee thee mera laikin

Thumharee unglian tho aadtun ye jurm karthee thee

..

..

..

..

CHALO CHORO

Safar main ajnubee logon say aisay haadsay surzud huwa karthay hai
Sadion say

..

..

..

..

CHALO CHORO

Mera hona nu hona ik barabar hai

Tum apnay khaal-o-khud ko aayeenay main phir nikurnay do

Tum apnee aank ki bustee main phir say ik naya mosum uturney do

meray khwabon ko murnay do

nuyee tasweer daiko

phir naya maktoob liko

phir nuye mosum nuye lafzon say apna silsila jorho

meray maazee ki chaahut raayegaan sumjo

meree yaadon say kuchey raabitay torho
..

..

..

..

CHALO CHORO

muhabbat jhoot hai

Ehd-e-wafa ik shughl hai baikar logon ka

Us ne phir maira haal poocha hay

Us ne phir maira haal poocha hay
Kitna mushkil sawaal poocha hay

Hichkiyon ka ajeeb lehja tha
Baat ko taal taal poocha hay

Tum mujhe choR to na jaao ge
Waaste daal daal poocha hay

Aansuuon ki zubaan ma' us ne
Jitna poocha kamaal poocha hay

Kya kabhi mil sakein ge hum donon
Mujh se maira khayaal poocha hay

Ajab Pagal Si Larki Hai

Ajab Pagal Si Larki Hai
Mujhay her khat main likhti hai
“Mujhay tum yaad kertay ho?
Tumhain main yaad aati hooN?”
meri baatain satati hain
meri neendain jagati hain
meri aankhain rulaati hain
december ke sunehri dhoop main abb bhi teheltay ho?
kisi khamosh rustay se
koi awaaz aati hai?
Thatharti sard raatoN main
tum abb bhi chhatt pe jaatay ho?
falak ke sab sitarooN ko
meri baatain sunatay ho?
kitaboN se tumharay ishq main koi kami aai?
ya mairi yaad ke shiddat se aankhoN main nami aai?
Ajab pagal Si larki hai
mujhay her khat main likhti hai..
Jawaban ous ko likhta hooN..
meri masroofiyat daikho subah se shaam office main
chiragh-i-umer jalta hai
phir ous k baad duniya kee
kaee majbooriyan pao`n main bairi daal rakhti hain
mujhay bay-fikr, chahat se bharay sapnay nahin dikhtay
Tehelnay, jagnay, ronay kee mohlat hee nahin milti
sitarooN se millay arsa hua..naraz hon shayad
kitabooN se shughaf maira abhi waisay he qayem hai
farq itna parra hai ab ounahin arsay main parhta hooN
tumhain kis ne kaha pagli tumhain main yaad kerta hooN
ke main khud ko bhulanay kee musalsal justajoo main hooN
tumhain na yaad aanay kee musalsal justajoo main hooN
mager yeh justajoo meri bohat nakaam rehti hai
mere din raat main abb bhee tumhari shaam rehti hai
mere lafzooN ki her maala tumharay naam rehti hai
tumhain kis ne kaha pagli tumhain main yaad kerta hooN
poorani baat hai jo log akser gungunatay hain
ounhain hamm yaad kertay hain jinahin hamm bhool jatay hain
ajab pagal si lerki ho
meri masroofiyat daikhoo
tumhain dil se bhulaooN tu tumhari yaad aaye na
tumhain dil se bulanay kee mujhay fursat nahin milti
aur iss masroof jeewan main
tumahray khat ka ikk jumla
“tumhain main yaad aati hooN ?”
meri chahat ki shiddat main kami honay nahin daita
bohat raatain jagata hai mujhay sonay nahin daita
so agli baar apnay khat main yeh jumla nahin likhna
ajab pagal si larki hai mujhay phir bhee ye likhti hai
mujhay tum yaad kertay ho tumhain main yaad aati hooN ?

mohabbat maum ka ghar hai

wo kehti hai suno jana'n mohabbat maum ka ghar hai
tapish ye bad ghumani ki kahee'n pighla na de isko
mai kehta hoo'n k jiss dil mai zara bhi bad ghumani ho
waha'n kuchh aur ho tau ho mohabbat ho nahi sakti


wo kehti hai, sada aisey hi kya tumm mujhko chahogey
k mai iss mai kami bilkul gawara karr nahii sakti
mai kehta hoo'n, mohabbat kya hai ye tumne sikhaya hai
mujhe tumsey mohabbat k siwa kuchh bhi nahii aata


wo kehti hai judai se boht darta hai dill mera
k tumko khudd se hatt kar daikhna mumkin nahii hai abb
mai kehta hoo'n yahi khadshey boht mujhko satatey hain
magar sach hai mohabbat mai judai sath chalti hai


wo kehti hai bata'o kya merey binn jee sakogay tumm?
meri batain meri yadain, meri aankhain bhula do gay?
mai kehta hoo'n kabhi iss baat par socha nahii mainey
agar ikk pall ko bhi sochoo'n tau sansain rukne lagti hain


wo kehti hai tumhe mujhse mohabbat iss qadar kyu'n hai
k mai ikk aam si larhki tumhe kyu'n khas lagti hoo'n
mai kehta hoo'n kabhi khudko meri aankho'n se tum daikho
meri deevangii kyu'n hai ye khud hii jaan jaa'ogay


wo kehti hai mujhe waraftagee se daikhte kyu'n ho?
k mai khuddko boht hi qeematii mehsoos karti hoo'n
mai kehta hoo'n mata e jaa'n boht anmol hoti hai
tumhe jab dekhta hoo'n zindagi mehsoos karta hoo'n


wo kehti hai mujhey alfaaz k jughnoo nahi miltey
tumhe batla sakoo'n dill mai merey kitni mohabbat hai
mai kehta hoo'n mohabbat to nigaho'n se chhalakti hai
tumhari khamoshi mujhse tumhari baat karti hai


wo kehti hai bata'o na kisey khone se darte ho?
bata'o kaun hai wo jisko ye mausam bulate hain?
mai kehta hoo'n ye meri shayari hai aaina dill ka
zara daikho bata'o kuchh tumhe iss mai nazar aaya


wo kehti hai k Aatif jee boht batain banatey ho
magar such hai k ye batain boht hii shaad rakhti hain
mai kehta hoo'n ye sab batain, fasane ikk bahana hain
k pall kuchh zindagani k tumharey sath katt jayain


phir uss k baad khamoshi ka dilkash raqs hota hai
nagahain bolti hain aur labb khamosh rehte hain

Meri Zaat Zara-e-By-Nishaan

 

Meri Zaat Zarra-e-by-nishaan

main wo kis tarah se karun biyann
jo kiye gaye hen sitaam yahan
sunay kon meri ye dastaan
koi gham nasheen hay na razdaan
jo tha jhoot wo bana sach yahan
nahi kholi maine magar zubaan
ye akela pan ye udasiyaan
meri zindagi ki hain tarjumaan

meri zaat zarra-e-by-nishaan

kabhi sooni subha main ghoomna
kabhi ujri sham ko dekhna
kabhi bheegi ankhoon say jagna
kabhi beetay lamhoon ko sochna
magar ek pal hay umeed ka
mujhay khuda ka hay jo aasra
nahi maine koi gila kia
na he maine di hain duhaiyaan

meri zaat zarra-e-by-nishaan

main bataun kia mujhay kia milay
mujhay sabar he ka sila milay
kisi yaad he ki rida milay
kisi dard he ka sila milay
kisi gham ki dil main jagah milay
jo mera hay wo mujhay aa milay
rahay shaad yuun he mera jahan
kay yaqeen main badlay mera gumaan

meri zaat zarra-e-by-nishaan
meri zaat zarra-e-by-nishaan

Kisi Ki AankhOon May KhwaB LikhnA Tou Soch Lena

 

Kisi Ki AankhOon May KhwaB LikhnA Tou Soch Lena
Falak Pay Koi Sahaab Likhna Tou Soch Lena


Hain Roshni Kay Tamam Rasty Bujhy Bujhy Say
MusaFtOon Ko SaraaaB Likhna Tou Soch Lena


Main PaniYoOn Kay HusaaR May Hun Gumaa'n JazEera
Gar Iski BaBat KitaaB Likhna Tou Soch Lena


Main Dust-e-Furqat May Jalay KhaeMoOn Ko Dekhti Hun
Jhulastay Sahra Ko Aab Likhna Tou Soch Lena


Mery MuQaDder Ki Dhalti ShaKhOon Say Poch Lena
Badalti RuTt Ka AzaaB Likhna Tou Soch Lena


KhaLoOs-o-Maher-o-Wafa Ki RahaIn KaRri Hain
MuhaBbaToOn Ka NiSaaB Likhna Tou Soch Lena

tum apne Khat meN yuuN lafzoN kaa silsilaa rakhnaa

 

tum apne Khat meN yuuN lafzoN kaa silsilaa rakhnaa
har ek lafz kaa mafhuum duusraa rakhnaa


tumhaare lab kii mahek raaz faash kar degii
lifaafaa band na karnaa, yunhii khulaa rakhnaa


na itnaa TuuT ke miliye ke dil pe shak guzre
Khuluus meN bhii zaruurii hai faasilaa rakhnaa


maiN zindagii meN kahiiN tumse mil hii jaauuNgaa
magar ye shart hai, bicchaRne kaa hauslaa rakhnaa


ye soz-o-karb mujhe tajruboN ne bakhshaa hai
jalaanaa shamm'a to daaman se faasilaa rakhnaa

Talab (Mohsin Naqvi)

Talab

koajar na dun fikar-e-rahguzar na karun

Safar mein ab ke hawa ko bhi

hamsafar na karun

Ubharte duubte suraj se tod lun rishta

Main sham odh ke

soa jaaon aur sahar na karun

Ab is se badh ke bhala kya ho

ehtiyat-e-waffa

Main tere shehr se guzron tujhe khabar na karun

Ye mere

dard ki daulat meri maata-e-firaaq

In ansuon ki

wazahat mein umar bhar na karun

Ujad shab ki khalish ban ke ban mein kho
jaoon

Main chandni ki terha khud ko darbadar na karun

Vo ek pal ko dikhai
toh de kahin MOHSIN

Main jaan ganwa ke bhi uss pal ko mukhtasar na karun

Goya Andaz-e-Tazeem Hai

 

Goya Andaz-e-Tazeem Hai Ameeron JAisa

Mere Ander Ka HAi Insaan FAqeeron JAisa

Hum Ne Chehre Pe SAja RAkhi HAi Shehar Ki Ronaq

Mere Dil KA Aalam HAi Veeran JAzeeron JAisa

Uske Usaf-o-Khasaail

Ne Mughe Jeet Lia

Mere Mureedon Mein Tha Shakhs Wo Peeron JAisa

IS Se

Pehle Thi Aseeri bhi Rehaai JAisi

Ab Ke Aazaadi Mein HAi HAal Aseeron

Jisa

Usko Mohsin Ganwa Ke HAin Khasarey Ab TAk

Wo Jo Ik Shakhs Tha Mere

Sath MEin HEeron JAisa

Main jalwa e sudd rang hun (Mohsin Naqvi)

Main jalwa e sudd rang hun ya moaj e saba hun


Ehsas ki chokhat pe khara soch rha hun


Ikk jaam to pee lene de ay gardish e doraan


Phir tujko btata hun main kon hun kya hun 

Tum yaad kro pehli mulaaqat ki baatein


Main pehli mulaaqat zara bhool gaya hun 

So baar zamane ne mujhe zehar dia hai

So baar main sach bol ke Suqraat bna hun 

Aksar usse paa lene ki umeed mein MOHSIN

Khud apne liye raah ki deewaar bana hun

UMEED FAAZLI.............. ...

 

maqtl e jaa'n se ke zindaa'n se ke ghar se niklay
Ham to khusbo ki tarha niklay jidhar se niklay

gar qayamat ye nahi hai to qayamat kya hai
shahar jalta raha aur log na ghar se niklay

jane wo konsi manzil thi mohabbat ki jahaa'n
mere aanso be tere deeda e tar se niklay

dar badri ka hame'n taana na de ay chasm e ghazaal
dekh wo khuwaab ke jis ke liye ghar se niklay

mera rahbar hua kya kya na pashemaan ke jab
us ke naamay mere asbaab e safar se niklay

barsar e dosh rahay ya sir e neeza ya Rub
Haq parasti ka soda na kabi sir se niklay

Tera Naam

 

Hum nay ulfat ka bharaam sub say juda rakha hay
goya seenay main tujhay dil ki jaga rakha hay

Dil ye chahay kay tu kabhi badnaam na ho
dekh zikr tera hay magar naam chupa rakha hay

Mere jis hath say kiya tha tu nay musafha
dhoya he nahi hoonton say laga rakha hay

Ab main samjha tere rukhsar pay til ka matlab
dolat-e-husn pay darbaan bitha rakha hay

tu to is basti se khush khush chala gaya , or mein ...?? (Ahmed Faraz)

 

shehr-e-Muhabbat hijr ka mousam,ehed-e-wafa or mein
tu to is basti se khush khush chala gaya , or mein ...??

tu jo na ho to jaise sab ko chup lag jati hai
apas mein kya batein kertey raat, diya or mein

sair-e-chhaman adat thi pehley ab majboori hai
teri talash mein chal pertey hein bad-e-saba or mein

jisko dkeho teri hava mein pagal phirta hai
werna hum mashrab to nahi they khalq-e-khuda or mein

aik to wo humraz mera hai phir tera maddah
bas tera hi ziker kya kertey hein Zia or mein

aik zamaney bad 'Faraz' ye shair kahey meine
ik muddat se miley nahi hein yaar mera or mein

aaNkhoN kaa rang, baat kaa lahjaa badal gayaa (Amjad Islam)

 

aaNkhoN kaa rang, baat kaa lahjaa badal gayaa
vo shaKhs ek shaam meN kitnaa badal gayaa !

kuch din to meraa aks rahaa aaiine pe naqsh
phir yuN hu'aa ke Khud meraa chehraa badal gayaa

jab apne apne haal pe ham tum na rah sake
to kyaa hu'aa jo hamse zamaanaa badal gayaa

qadmoN tale jo ret bichii thii vo chal paRii
us ne chuRaayaa haath to sehraa badal gayaa

ko'ii bhii chiiz apnii jagah par nahiiN rahii
jaate hi ek shaKhs ke, kyaa kyaa badal gayaa !

ek sar-khushii kii mauj ne kaisaa kiyaa kamaal
vo be-niyaaz, saare kaa saaraa badal gayaa

uThTh kar chalaa gayaa ko'ii vaqfe ke darmiyaaN
pardaa uThThaa to saaraa tamaashaa badal gayaa

hairat se saare lafz use dekhte rahe
baatoN meN apnii baat ko kaisaa badal gayaa

kahne ko ek seh'n meN diivaar hii banii
ghar kii fizaa, makaaN kaa naqshaa badal gayaa

shaayed vafaa ke khel se uktaa gayaa thaa vo
manzil ke paas aa ke jo rastaa badal gayaa

qaayem kisii bhii haal pe duniyaa nahiiN rahii
taa'biir kho gayii, kabhii sapnaa badal gayaa

manzar kaa rang asl meN saayaa thaa rang kaa
jis ne use jidhar se bhii dekhaa badal gayaa

andar ke mausamoN kii Khabar us kii ho gayii
us nau-bahaar-e-naaz kaa chehraa badal gayaa

aaNkhoN meN jitne ashq the jugnuu se ban gaye
vo muskuraayaa aur merii duniyaa badal gayaa

apnii galii meN apnaa hii ghar dhhuNdhtee haiN log
"Amjad" ye kaun shah'r kaa naqshaa badal gayaa

(Amjad Islam Amjad)

terii zulfoN ke bikharne kaa sabab hai ko’ii

 

terii zulfoN ke bikharne kaa sabab hai ko'ii
aaNkh kahtii hai tere dil meN talab hai ko'ii




aaNch aatii hai tere jism kii uryaanii se
pairahan hai ke sulagtii hu'ii shab hai ko'ii




hosh uRaane lagiiN phir chaaNd kii ThanDii kirneN
terii mastii meN huuN yaa Khvaab-e-tarab hai ko'ii




giit buntii hai tere shah'r kii bharpuur havaa
ajnabii maiN hii nahiiN tuu bhii ajab hai ko'ii




liye jaatii haiN kis dhyaan kii lahreN "Nasir"
duur tak silsilaa-e-taak-e-tarab hai ko'ii

Khuda K Banday Shambal Aankhein.......!!!!

Yeh Mast Mast Be-misal Aankhein,
Nashay Se Har Dam Nidhal Ankhein,

Uthein Toh Hosh-o-Hawas Cheenen,
Giren Toh Kar Den Kamal Aankhein,

Koi Hai In Karam Ka Talib,
Kissi Ka Shok-e-Wisal Aankhein,

Na Yun Jaleyein Na Yun Satayein,
Karein Toh Kuch Yeh Khayal Aankhein,

Hain Jeenay Ka Ik Bahana Yaaro,
Yeh Rooh Parwar Jamal Aankhein,

Draz Palkein Ghazal Aankhein,
Muswari Ka Kamal Aankhein,

Sharab RAB Ne Haram Kar Di,
Magar Hain Rakhi Halal Aankhein,

Hazaron In Se Ab Qatal Hongay,
Khuda K Banday Shambal Aankhein.......!!!!

Betho Mere Paas Yun Mujhse Parda Na Karo.....!!!!

 

Pyaar Se Pyaar Karo Pyaar Ko Ruswa Na Karo,
Meri Toh Aadat Hai Tum Khud Ko Afsurda Na Karo,

Meri Bahon mein Chalay Aao Dartay Kyun Ho,
Gehrai Hai Buhat Dil Mein Yun Jhanka Na Karo,

Main Toh Aashiq-e-Deedar Hon Koi Rehzan Toh Nahi,
Betho Mere Paas Yun Mujhse Parda Na Karo,

Kon Chalta Hai Taman Umer Hi Sath,
Laikin waqt Se Pehle Toh Khud Se Juda Na Karo,

Badalon Ki Bhi Tum Ko Nazar Lag Saqti Hai,
Tang Qaba Ho Toh Barish Mein Nahaya Na Karo,

Bijliyan Girti Hain Kitnay sada Dilon par,
Aise Pe Parda Sehan Mein Aya Na Karo,

Tum Kya Jano Yeh Dil Ki Lagi Kya HOti Hai,
Kissi Masoom Se Yun Khaila Na Karo,

Dekho Nazuk Tumhari Ungliyan Buhat,
Inse Pholon Ko Yun Masla Na Karo,

Sham Dhalay Woh Pirota Hai Gham Apnay,
Tabassum Har Roz Usay Yun Mila Na karo.....!!!!

Aankh se doOr na ho (Ahmed Faraz)

Ya Soch Raha hoon Isey Khaat Main Likhoon Kia...?

Akhir gunahgar hun kafir nhi hun men (GHALIB)

Dayem paida hua tere darr pr nhi hu men....@
khaak aisi zindgi pe k pathar nhi ho men....@
~~~~~~~~~~~~

kiyun Gardish e madaam se ghebra na jai dil....@
insaan hun piyaala o sagar nhi hun men.....@
~~~~~~~~~~~~

ya rab zamana mujko mita he kis lye....?
loh e jahan pe huruf e muqarar nhi hun men...@
~~~~~~~~~~~~

had chahiye saza me aqobat k wastey.....@
akhir gunahgar hun kafir nhi hun men....@
~~~~~~~~~~~~

rakhty ho tm qadam meri ankho'n so kiyun daraigh....?
rutbey me meher o maah se kamter nhi hun men....@
~~~~~~~~~~~~

GHALIB wazifa khuar ho, do shah ko dua.....@
wo din gai k kehty thy k nouker nahi hun men....@

us ko bhi bachana

us ko bhi bachana hai khud ko bhi bachana hai

aik simt hai zaat apni aik simt zamana hai

hum se na koi uljhe hum log hain deewane

andhi se hamen zid hai aik deep jalana hai

hum dono ko banta hai darya ke kinaron ne

is simt bhi rehna hai us simt bhi jana hai

ye ishq to fitrat hai kese ho juda mujh se

ye rog hai matti ka aur sadiyon purana hai

basti hi chupa li phir us shakhs ne hathon mein

itna jo kaha main ne aik shahar basana hai

aik ankh hai sehra to aik ankh samandar hai

kya janye is dil mein kis kis ko samana hai

kehne ko bohat kuch hai, ai saad magar hum ne

aik wada nibhana hai aik dard chupna hai

Nazam Mera Dil Ye Chahat Hai ..ward bazmi

"Masoom Parinda"

"Masoom Parinda"


Wo Parinda Jo Pair Pe Tanha Betha Tha
Jane Kis Soch Mein Doba Kya Kuch Soch Raha Tha
Duniya Ki Soch Se Mawara
Logoun Ki Bheer Se Aalag Thalag
Tanhai K Shano Pe Sar Rakh Ker
Aur Raat Ki Tanhai Ko Apne Uper Urh Ker
Chand Ko Apna Dost Banaye Jane Kya Kuch Bata Raha Tha
Lafzon K Jal Mein Ulajh Ker Wo
Kabhi Kehta Kabhi Rukta Kabhi Hans Deta
Kabhi Monh Chupaye Chanda Se Dhere Dhere Ro Deta
Dekh K Us Ko Laga Youn Mujhe
Shayed . . .
Ye Bhi Ek Qaidi Ho Her Raat Ki Tanhai Ka.

Tum Mohabbat Bhi Mausam Ki Tarha

Tum Mohabbat Bhi Mausam Ki Tarha Nibhatey Ho

Kabhi Barastey Ho Kabhi Ek Bondh Ko Tar`satey Ho

Pal Mein Kehte Ho Zamaney Me Faqat Tere Hain

Pal Mein Izhaar-e-Muhabbat Se Muqar Jatey Ho

Bhari Mehfil Me Dushmano Ki Tarah Miltey Ho

Aur Duaaon Me Mera Naam Liye Jate Ho

Deyaar-E-Ghair Me Mujh Ko Talash Karte Ho

Miloon To Paas Se Chup Chaap Guzer Jatey Ho

Kab Yaad Main Tera Saath Nahi (Faiz Ahmed)

 

Mujhe Wid'a Kar

 

jane tu kis alam main bichara hai ki tere bagair

muntazir kab se tahayyur hai teri taqrir ka
bat kar tujh par guman hone laga tasvir ka


rat kya soye k baqi umr ki nind ur gai
Khvab kya dekha ki dharka lag gaya tabir ka


jane tu kis alam main bichara hai ki tere bagair
aj tak har lafz fariyadi meri tahrir ka


jis tarah badal ka saya pyas bharakta rahe
main ne vo alam bhi dekha hai teri tasvir ka


kis tarah paya tujhe phir kis tarah khoya tujhe
mujh sa munkir bhi to qail ho gaya taqdir ka


ishq main sar phorna bhi kya k ye be-meher log
ju-e-Khun ko nam dete hain ju-e-shir ka


jis ko bhi chaha use shidat se chaha hai 'Faraz'
sil-sila tuta nahin dard ki zanjir ka

Tere yaadon ke bina...

Teri Yaadon ke Bina koi Lamha Guzaara Nahi,
Ek pal Nahi jab Tumhe Humne Pukaara Nahi,

Meri Nakaamiyon Ka Itna Bhi Ghum Na Kijiye,
Agar aap Jeete Hai to Main Haara Nahi,

Ye Naqsh-e-Dard Kaise Utar Jaaye Chehre Se,
Maine Abhi Aapka Ghum Dil se Utaara Nahi,

Tere bin Yun Kat Rahi Dariya-e-Zindagi Mein,
Kashti Bhi Hai Maajhi bhi hai,Kinaara Nahi,

Kar Rakha Hai Jisne Saare Ghar Mein Ujaala,
Aansu Hai Mera ye Koi Toota Hua Taara Nahi,

Kis ko Gale Laga Ke Roye Na-Muraad Hum,
Is Bhari Duniya Mein Apna Koi Sahaara Nahi,

Mareez-e-Ishq Hai Tamannai Khudkushi Ka ab,
Gehre Hai Dil ke Zakhm,Aur Koi Chaara Nahi,

Woh aa Ke Poonch De Aansu Hamari Aankhon Se,
Itna bhi Hamare Haq Mein Naseeb Hamara Nahi..!!!nm

pani ki ik ik bond

pani ki ik ik bond ko

sukun ki ik rat ko turus gai hon main
ghumon ka bekuran sumunder bun gai hon main

sehra sehra khack chanti hon is terha
pani ki ik ik bond ko tarus gai hon main

ruktey nahen ub ankhon sey behtey moti
ansowun key sumunder main doob gai hon main

dukh ki leher ney lupait main lya hey is terha
zindagi main apni hi hunsi ko turus gai hon main

kisi key sawal ka kia jawab don ub
khud hi sawaliya nishan bun gai hon main

kisi ki dunya main shamil ho jaon kis terha
khud apney hi kafley sey bhichur gai hon main .

Abhi kuch dair baki ha

Abhi kuch dair baki ha

Khiza’n k beet jane mai

Gulo’n k muskurane mai

Khushi k geet gane mai

Baharo’n k zamane mai

Abhi kuch dair baki hy

Mai tum ko bhool jao’n ga

Na um ko yad ao’n ga

Mai tum se door reh kar b

Tumhai’n jee kar dikhao’n ga

Tumhai’n maloom hy lekn

Ye sab mai kar na pao’n ga

K tum ko bhool jane mai

Abhi kuch dair baki hy

Shaoor me kbhi (Ahmed Nadeem Qasmi)

Shaoor me kbhi, ehsaas me basaaun usey...

magar chaarun tarf ne hijaab paaun usey..

usey bhula k mila umer bhr ka sannata..

magr ye shouq he ik baar bulaaun usey..

andhri raat me jb raasta nhi milta...

me sochta hun kaha ja k dhund laaun usey..

abhi tak uska tassuvur to merey bs me he..

wo dost he to khuda kis lye banaaun usey..

NADEEM tark e muhabt ko ek umr hui...

me abhi bhi soch raha hun bhul usey

zindagi ka name ha mohabat

Kabhi zindagi ka name ha mohabat

kabhi mout ka pagham hay mohabat

kabhi mohabat se milti hay khushi

kabhi gham ki sham hay mohabat

kabhi mohabat aansoun ki barish hy

kabhi hansi ka jaam hay mohabat

kabhi hay mohabat dil ki jalan

kabhi dil ka aaram hay mohabat

kabhi mohabat hay Milan ka roop

kabhi tanhai ki tarhan be naam hay mohabat

kabhi mohabat hay be naam zindagi

kabhi zindagi kehti hay mera name hay MOHABAT

Maqroz k bigrey hoe halat ki manind

Maqroz k bigrey hoe halat ki manind

Majb0r k hont0n k sawalaat ki manind,

Dil ka teri chahat main ajab haal h0a hay

Selaab se barbad makanat ki manind,

Main un main bhtaktey hoe jugn0 ki tarhan hon

Us shaks ki aankehn hain kisi raat ki manind,

Dil r0z sajata h0n main dulhan ki tarha se

Ghum r0z chale ate hain baraat ki manind,

Ab ye bhi nahi yaad hay kia naam tha us ka

Jis shakhs ko manga tha manajaat ki manind,

Kis darja muqadas hay tery qurb ki khwahish

Maso0m se bachey k khyalat ki manind,

Us shakhs se milna mera mumkin hi nahi hay

Main pyas ka sehra 0r w0 barsaat ki manind..!

Yunhi rajnishon main guzar gaye…!

Yunhi rajnishon main guzar gaye…!

Kabhi wo khafa…!

Kabhi main khafa…!

Chahton k mor per…!

Kabhi wo ruka…!

Kabhi main ruka…!

Wohi rastey wohi manzilen…!

Na usy khabar…! 

Na mujhe pata…!

Apni apni ana main gum…!

Kabhi wo juda…!

Kabhi main juda…!

Apni ruswai (Parveen Shakir)

Apni ruswai main terey naam ka charcha dekhoun
Aik zara sher kahoun aur kiya kiya dekhoun

Neend ajayetu kiya mehfilen berpa dekhoun
Ankh khul gaye tu tenhayi ka sehra dekhoun

Sham bhi ho gayi dhundla gayi ankhen meri
Bhoolney waley’ kab tak tera rusta dekhoun

Ik ik kerkey chor gayen sab sukhiyan
Ag main khud ko teri yaad main tunha dekhoun

Kash sandal sey meri mang ujaley aker
Itney gheron main’ wahi hath apna dekhoun

Tu mera kuch nahin lugta mager jan-e-hayat
Janey kiun terey liye dill ko dherkta dekhoun

Band kerkey meri ankhen shrarat sey
Bhoojey janey ka main her rooz tamasha dekhoun

Sab zidden main usski puri keroun’her baat suno
Aik bachey ki terhan us ko hansta dekhoun

Muj pey chah jaye bersat ki khusboo ki terhan
Ung ung main uski ruut main mehkta dekhoun

Phool ki terhan merey jism ka her lub khul gaye
Pankhri pankhri un hoton ka saya dekhoun

Main ney jis lamhey ko pooja hai’ aik bar
Khuwab ban ker teri ankhon main uterta dekhoun

Tu meri terhan yakta hai aye merey habeeb !
Jee main ata hai’koi aur bhi tuj sa dekhoun

Tootjayen key pighal gayen merey kachey gharey
Tujh ko main dekhoun ya aggh ka derya dekhoun

Duaa kaa TuuTaa hu’aa harf (Parveen Shakir)

Duaa kaa TuuTaa hu’aa harf sard aah meN hai
Terii juda’ii kaa manzar abhii nigaah meN hai

Tere badalne ke baa-vajuud tujhko chaahaa hai
Ye ai’tiraaf bhii shaamil mere gunaah meN hai

Azaab degaa tou phir mujhko Khwaab bhii degaa
MaiN mutma’iin huN, meraa dil terii panaah meN hai

Jise bahaar ke mehmaan Khaalii chhoR gaye
Vo ek makaan abhii tak makiiN kii chaah meN hai

Yahii vo din the jab ek duusre ko paaya thaa
Hamaarii saalgiraah thiik ab ke maah meN hai

maiN bach bhii jaauuN tou tanhaa’ii maar daalegii
mere qabiilaa ka har fard, qatl-gaah meN hai
 

ab kaisi parda daari (Parveen Shakir)

ab kaisi parda daari , khabar aam ho chuki
maa ki rida tu din howe neelam ho chuki

ab aasmaa.n sey chadar-e shab aay bhi tu kiya
be-chadari zameen pe ilzaam ho chuki

ujrey howe diyaar pe phir kyu nigah hai
is kasht pe tu barish-e ikraam ho chuki

soraj bhi us ko dhondh k wapas chala gaya
ab hum bhi ghar ko lout chalain shaam ho chuki

shimley sanbhaltey hi rahey maslehat passand
hona tha jis ko piyaar main bad-naam ho chuki

aankhain hain a ur subha talak tera intezaar
mishal bad'dast raat terey naam ho chuki

koh-e nida sey bhi sukhan utrey agar tu kiya
na-sameoo.n main hurmat-e ilhaam ho chuki
Parveen Shakir

Hamaray Dermiyan (Parveen Shakir)

Hamaray Dermiyan Aysa Koi Rishta Nahi Tha 

Tayray Shanoun Pay Koi Chatt Nahi The

Mayray Zimmay Koi Aangan Nahi Tha 

Koi Waada Tayri Zanjeer-e-Pa Bannay Nahi Pata 

Kisi Iqraar Nay Mayri Kalaii Ko Nahi Thaama 

Hawa-e-Dasht Ki Manind 

Tu Aazab Tha

Rastay Tayri Marzi K Tabay Thaay 

Mujhey Bhi Apni TanhaE Pay 

Dekha Jaey Tou 

Poora Tasarruf Tha 

Mager Jab Aaj Tu Nay

Rasta Badla 

Tou Kuch Aysa Laga Mujh Ko 

K Jaysay Tu Nay Mujh Say Bay-WafaE Ki...