Jaanay waalon say palat kar nahi aaya jaata
Raasta kis liye phoolon say sajaaya jaata
Gard, shab aur hawa teenon ki ye saazish thi
Ye diya jal kay na bhujta to bujhaaya jaata
Ghair say chaaon talab karnay say behtar kahein
Apnay aangan mein koii paiR ugaaya jaata
Hum musafir thay jo chaltay bhi to paaon jaltay
Sar kay sooraj ko agar sar say giraaya jaata
Ab kay mausam mein bohat dhoop utar aaii hay
Baraf kay phoolon say kya haar banaaya jaata
No comments:
Post a Comment