Dua woh kartay kay hum Asman hila daitay

Diyar-e-Gair Say Kaisay Tujhay Sada Daitay
Too mil bhee jata tou Aakhir tujhay ganwa daitay


Tumhee nay hum ko sunaya na apna dukh warna
Dua woh kartay kay hum Asman hila daitay


Hamin yeh Zaoum Raha ab kay woh pukarain gain
Unhain yeh zidd thee kay har baar hum sada daitay


Tumhain Bhulana he awwal tou Dastaras main nahin
Jo ikhtiar bhee hota tou kia bhula daitay


hum apany Bacchon say kaisay kahain kay yeh guria
hamray bas main jo hota tou hum dila daitay


tumhari yaad nay koi jawab hee na diya
meray khyal kay aansoo rahay sada daitay


Khamoshi unki mairay wastay qiyamat thee
woh kuch na kehtay magar hont he hila daitay


ab aiy hain meri turbat pay fateha padhnay
nikal raha mera dam jinhay sada daitay


Woh tera gham tha kay Taseer meray lahjay ki
kay jis ko Haal sunatay usay rula daitay