Dil Doobne Lagta Hay............

 

phir aap ne dekhaa hai muhabbat kii nazar se
guzare na kahiiN gardish-e-dauraaN bhii idhar se

poochheN to zaraa pech-o-Kham-e-raah kii baateN
kuchh log abhii lauT ke aaye haiN safar se

shaayad kahiiN sooraj kii kiran shaam ko phooTe
ham sham'a jalaaye hue baiThe haiN sahar se

logo merii aashuftaa_sarii par na karo taNz
ilzaam utaaro us zulf ke sar se

taare to apnii chamak dikhaate haiN sahar tak
dil Doobne lagtaa hai magar pichhale pahar se

''Mazhar'' Imaam

teri aaaz pe shayad koi murr kar dekhe............

devta husn k daikhey boht khud sarr daikhey
ham ne bhi laug jo daikhey tau wo patthar daikhey

aaj bitchreh huwe laugo'n ko sada de ai dil
teri aawaz pe Shayad koi murh karr daikhey

lab hain khamosh magar dil mai dhuwa'n utth'ta hai
ham NE chup chap sulagte huwe paykar daikhey

meri nazro'n mai sitaro'n ki haqiqat kia hai
maine palko'n pe larztey huwe gauhar daikhey

mujhko chhalki hui harr aankh se dar lagta hai
kaisey toote huwe dil dard k manzar daikhey

mujhko shikwa nahi ai kaatib e taqdeer magar
ro parhey tu bhi agar mera muqaddar daikhey

Khuda jaane tumhaare zehen mai kia hai ...............

 

Khuda jaane tumhaare zehen mai kia hai
Mere baare mai tum kia sochti ho keh nahee sakta
Magar mai is liye milney se katraata hun tum se
Ke wo baten jo hum likhte hain aapne khat mai chahat se

Wo baaten aur baaten hain
Wo baten aisi baten hain ke bas baaten hi baten hain
Haqeeqat mukhtalif hai aisi baaton se
Haqeeqat munkashif hoti nahee alfaz likhne se

Zubani giftgoo se bahami izhar-o-arz-e-hal kerne se
Bahut si aisi baaten hain
Jinhen sunne ko kaano ki nahee aankhon ki haajat hai
Agar tum mujh se milne per bahut israar kerti ho

To phir aik shart hai
Aik lafz bhi kehna na hoton se
Faqat aankhon se aankhen guftgoo kerti rahen
Khala apne sawaalon ka

in aankhon ki sadayen khud bakhud bharti rahengi
Agar milna zaroori hai
To chhoti si meri yeh shart
apne zehen mai rakhna!!!

Poet: Aitebar Sajid

Abhi Dard Baqi Hay....!

Dost Ban k...!